He kupu karo: Kāore pea e whakamāoritia ngā hono ki ētahi atu pae.
Aratohu Tatūnga.
Ki te kore anō tō pouwhanga kia whakahohea, ka taea tēnā ināianei.
Kāore i te mōhio me pēhea? He ataata whakatatū whaitake tā mātou i roto.
Ka huaki ana koe i te ataata, ka kawea koe ki tua i te pae Skinny. Ka pā pea ngā utu raraunga noa.
E hiahia ana ki te whakamahi i te taupānga Skinny Jump? Arā hoki he ataata mō tēnā.
Ka huaki ana koe i te ataata, ka kawea koe ki tua i te pae Skinny. Ka pā pea ngā utu raraunga noa.
Ka oti ana tō pouwhanga te whakahohe, arā he hipanga māmā hei whāinga kia noho tūhono i te kāinga.
Me pēhea te tūhonohono i tō pouwhanga me ō pūrere.
Hipanga 1
Monoa tō pouwhanga ki roto i tētahi kōhao hiko mā te taura hiko pango (te mea whai pūurutau hiko).
Hipanga 2
Patoa te ata Settings i tō pūrere (waea atamai, paparorohiko, rorohiko kawekawe rānei). He wīra tara pūkaha te āhua.
Hipanga 3
Panuku mā te rārangi tautuhinga kia kitea rā anō te Wi-Fi. Me whakarite kia tautuhi kia ON mā te miri whakatematau te mana.
Hipanga 4
Huakina he rārangi o ngā whatunga pātata, ka kōwhiri i te whatunga Skinny. E kīia ana ko Smart Modem-X-XXXX.
Hipanga 5
Tāurua te kupuhipa (KĪ WIFI) mā te pato ki te āpure kupuhipa i te mata. Kātahi ka patopato i te KĪ WIFI ka kitea i te pūtake o tō pouwhanga.
Hipanga 6
Mēnā kua tika tō tāuru ka kite koe i te kupu “connected.” Ka taea hoki te whakamahi i te taura itarangi kōwhai ki te tūhono ki tētahi rorohiko.
Nā kua rite koe ki te haere!
Me tā i ngā tohutohu whakatatū?
Kei a mātou he PDF ka taea te tikiake me te tā. Kei roto ko ngā hipanga, he pikitia me ngā pātai auau.
Te whakakī i tō pūkete me te whakahou i tō mahere Skinny Jump.
Ka taea te hoko mai i ngā tīkiti Skinny i te nuinga o ngā toa, hokomaha me ngā teihana penehīni puta noa i te whenua. Mēnā ka whakamahi koe i te waea 'utu-tōmua' kua waia kē koe ki taua mahi.
- Takiuru
- Ka kawea koe ki tō Paewhiri e taea ai te pāwhiri i te ata Top-Up. Waiho te pūreti karaka kia tautuhi i te One off Top-Up.
- Ko te tikanga ka aunoa te putanga mai o tō nama Aunui Skinny. Ki te kore e kite, patohia kētia ki roto i te pouaka kiwikiwi. Koirā te nama e rārangi ana i raro i tō pouwhanga.
- Kōwhiria te kōwhiringa e kī ana With a Voucher.
- Patopatohia tō nama mati-12 ka pāwhiri i Proceed.
- Mutu ana tō pūkete te whakakī, tīpakohia te $5 plan, ka tīpako i Renew.
- He 35KP tō tō pouwhanga ināianei, he rite hoki mō te whakamahi.
Ahakoa kua pau ō raraunga katoa, ka taea tonu tēnei paetukutuku te uru atu ki te whakahou i tō mahere. E ono ngā whakahoutanga ka taea i ia marama. Ka mōnehu ngā raraunga kāore anō kia whakamahia hei te paunga o te 30 rā.
Me hoko tīkiti whakakī anō i hea?
Ka taea te hoko mai i ngā tīkiti whakakī Skinny Jump i te nuinga o ngā toa, hokomaha me ngā teihana penehīni puta noa i Aotearoa. Ka taea hoki te whakakī anō mā te taupānga Skinny Jump, mā te paewhiri tuihono rānei me te whakamahi i tō kāri tāwere, kāri nama rānei.
Kōwhiria te pātene "Me hoko mai i hea" kei raro ki te rapu i tētahi kaihoko pātata ki a koe.
He pātai atu anō āu mō Skinny Jump?
- Mō Skinny Jump
- Āheitanga
- Te Tere me ngā Pouwhanga
- Te Whakatatū
- Raraunga me te Whakamahinga Raraunga
- Taupānga
He $5 te utu mō te aunui Skinny Jump, me te 35GB o te raraunga, me te mōrahi o ngā whakahoutanga mahere e 6 ia marama. Ka whiwhi pouwhanga koe mō te kore utu, engari me whakahoki i tērā ki te mutu i a koe te whakamahi i Skinny Jump, ka taea ai te whakarato ki tētahi atu kāinga.
Kāore he rahinga arowhānui, he utu tuwhene rānei mō Skinny Jump.
Ko tō mātou whakapono i Skinny, me whiwhi ia tangata o Aotearoa i ngā arawātea ōrite ki te whai wāhi ki tō tātou ao matihiko nei.
Kāo, kāore a Skinny Jump e whakarato waea aho. Ki te hiahia koe ki te tūhononga waea aho, ko te tūtohu nei me titiro kē ki ngā hua ka whakaratohia e ngā kaiwhakarato kē.
Me whakakī i tō pūkete ki te moni, ka whakahou ai i te mahere Skinny Jump hei te pāunga, te mōnehutanga rānei o ō raraunga (ka mōnehu te raraunga Jump ā muri i te 30 rā).
Te whakakī anō: E rua ara ka taea ki te whakakī:
- Hokona mai he tīkiti Skinny i te toa, i te teihana penehīni, i te hokomaha rānei.
- Whakamahi tuihonotia tētahi kāri nama/tārewa. Takiuru ki tō paemana Skinny, haere ki te ripa ‘Ngā Kōwhiringa’, ka rapu i ‘Skinny Jump 35GB’ ka pāwhiri i te pātene 'whakakī'.
Te whakahou: Ka taea tae atu ki te 6 ngā whakahoutanga mahere ia marama. Ko te tikanga nei, ka taea te hoko mai i te mōrahi o te 210GB raraunga ia marama.
Me waitohu ki Skinny Jump anake mā tētahi o ō mātou kamupene hoa. Ka āwhina ō matou hoa kamupene o te takiwā i a koe ki te waitohu me te tīmata.
Mēnā he pūkete Skinny kē tāu, ā, e waitohu ana mā tētahi rorohiko, me hanga i tētahi pūkete rerekē mō Jump me tētahi wāhitau īmēra motuhake. Waitohu ake i skinny.co.nz/jump-register
Ki te kore koe e hiahia ki te Skinny Jump i te kāinga, e tono nei mātou kia whakahokia tō pouwhanga ki te hoa kamupene Jump o tō takiwā, kia taea ai tētahi atu kāinga te noho tūhono. Mō ētahi atu mōhiohio whakapā mai
Āe, e tūtohu ana mātou kia whai parenga pareketo koe. Mō ētahi atu tīwhiri mō te whakarite kia noho haumaru tō whānau ina tuihono, tirohia a netsafe.org.nz
Ko tō mātou whakapono i Skinny, me whiwhi ia tangata o Aotearoa i ngā arawātea ōrite ki te whai wāhi ki tō tātou ao matihiko nei.
Mā ērā kāinga a Skinny Jump kāore anō kia whai tūhononga aunui, ko te nui o te utu te pūtake. Kua ngana mātou ki te tango i te tino nui ka taea o ngā tauārai utu. Koirā te take e nui ai te tautoko ā-putea i te Jump, ā, kāore mātou e hihira i tō tūnga pūtea ina tūhono koe. E whakamahi ana anō hoki a Skinny Jump i te whakakī utu tōmua e ngāwari ana, me te pūnaha whakahou.
E aro ana mātou ki ngā kāinga kei reira he:
- tamariki
- kairapu mahi
- hunga kaumātua
- rerenga me ngā manene
- hunga kei ngā whare noho pāpori
Ko tērā atu paearu, me noho tō kāinga i tētahi takiwā ka kapi i Skinny Jump.
Kei a Skinny te tikanga ki te whakatau mēnā ka uru pai koe ki ngā paearu o runga nei. Engari ka whakapau kaha kia mahi i runga i te ngākau tōkeke ina whai whakaaro ki tētahi tono.
Kei ō mātou hoa hapori, pēnei i ngā whare pukapuka me ngā pokapū hapori, te haepapa ki te tiro i te māraurau. Ka whakarongo tonu mātou ki tā ō mātou hoa hapori e kī ai, engari ka noho tonu ki a Skinny te motika ki te hanga i te whakataunga whakamutunga.
E kāo, kāore a Skinny Jump i hoahoatia hei whakamahinga mā te pakihi.
Me āta whai whakaaro mātou ki te raukaha o te whatunga i tō takiwā kia whakarite ai ka whiwhi ngā kiritaki Skinny katoa i te ratonga tino pai rawa ka taea. Aroha ana mātou kāore e taea e koe te whiwhi Skinny Jump i tēnei wā, engari i a mātou e whakawhānui haere ana i tā mātou whatunga ka whakahou tonu mātou i ā mātou mahere āheitanga. Ki te kore e māraurau tō takiwā i tēnei wā, me mataara tonu ki ngā whakahoutanga.
Ka taea te whakamahi tō pouwhanga Skinny Jump kia whiwhi aunui i tō wāhi noho kua rēhita anake. Nā reira, ki te hūnuku whare koe, me waea mai i 0800 475 4669 (4SKINNY). Mā mātou e tirotiro mēnā ka taea tonu e koe te whakamahi i Skinny Jump i tō whare hou.
Ki te mōhio mātou e whakamahi kē ana koe i tō pouwhanga Skinny ki tētahi wāhi ehara i te wāhi noho i waitohu ai koe, ka mutu tō ratonga aunui te mahi. Ka pēnei, nā te mea me whakahaere tonu mātou i te whatunga hei whakarite kia whiwhi ngā kiritaki katoa e whakamahi ana i te whatunga i te ratonga tika me te ōrite.
Ko te pūtake o tā mātou pūtirotiro wāhi noho Skinny Jump ko ngā mōhiohio wāhi noho e tiki ana mātou i NZ Post, ā, ka whakarite i ērā ki tā mātou mapi māraurau. Nā reira, he tino tika.
He wā anō kua tohua e NZ Post ētahi wāhi noho hei mea māraurau kore mō ētahi take. Hei tauira, kāore he pouaka mēra, tē taea e te wāhi noho te whiwhi mēra, he whare hou me te kore whai taitara rawa, te aha, te aha. Koirā pea i tūpono ai mōu. Mēnā e whakaatu ana te wāhi nono o tō kiritata hei mea māraurau, ā, kāore i te pērā tōu anō, me waea mai kia taea ai taua take te tirotiro. Waea mai ki 0800 0800 4669 (0800 4SKINNY).
Ka whakahoutia tā mātou pūtirotiro wāhi noho ia marama ki ngā panoni mai i NZ Post, me ngā whakahou ki te whatunga Spark 4G.
Ki te kore he hoa kamupene i tō hapori, whakapā ki te Digital Inclusion Alliance Aotearoa (DIAA) ka marohi i tētahi whakahaere tērā pea ka aro mai ki te mahi ngātahi me mātou.
Me whai urunga ō mātou hoa kamupene ki ngā rorohiko me te ipurangi. E rapu ana anō hoki mātou i ngā tāngata whakahoahoa mā rātou e āwhina i ngā kaiwhakamahi hangarau hou.
E whakamahi ana te aunui e whakaratohia ana mā Skinny Jump i te whatunga Spark 4G. Nā reira, ka tūmanakohia he tūhononga aunui mārō he pēnei ki te tūhononga 4G te āhua. Ko tōna tikanga, me tere ake te tere tūhono i tō te aunui ASDL.
Kei te āhua o tō kaha iatohu te pai o tō tūhononga, ā, ka rawekehia pea tērā e ngā mea pērā i ngā whare raima, ngā puke me ngā whārua. Hei whakarāpopotonga, ka paku rerekē ki tēnā, ki tēnā.
Ka pāngia pea tō tere tūhono e ngā mea maha i tō whakamahi WiFi, pēnei i:
- tō tawhiti i te pouwhanga
- te ahunga o te pouwhanga
- ngā pakitara me ētahi atu mea e tū ana i waenga i tō pūrere me te pouwhanga
- te maha o ngā pūrere ahokore e whakamahi ana i te pouwhanga kotahi
Ka taea te tūhono te maha o ngā pūrere e hiahia ana koe ki tō pouwhanga. Arā, ngā rorohiko, papahiko, rorohiko kawekawe me ngā waea atamai.
Engari anō, ka whakapōturi ia pūrere ka tūhonotia i te tere e wātea ana ki ērā atu pūrere. Mā ia pūrere tāpiri me kaha ake te mahi a te pouwhanga kia kawea atu te aunui ki tēnā, ki tēnā pūrere.
Me whai pouwhanga Aunui Skinny Jump ki te whakamahi i Jump. Kua āta hangaia tēnei pouwhanga hei tūhono atu ki te whatunga Skinny Jump.
Ki te ngaro, ki te whānakotia rānei tō pouwhanga, waea tonu mai ki a mātou i 0800 475 4669 (0800 4SKINNY).
Me tiki e mātou ētahi taipitopito i a koe:
- te ingoa me te wāhitau īmēra i rēhitatia ai te pouwhanga
- te nama aunui o te pouwhanga, mēnā kei a koe
Kātahi ka taea e mātou te aukati te pouwhanga, me te tango i tō pūkete Skinny. Tonoa he pouwhanga hou i tō hoa kamupene. Mēnā ka taea e Skinny te tango i te pouwhanga ngaro, kua whānakotia rānei, i tō pūkete, ka āhei te rēhita i tō pouwhanga hou ki tō wāhitau īmēra Skinny o nāianei.
Whai muri i te toro i tō hoa kamupene, e 3 ngā hipanga ngāwari hei mahi māhau i te kāinga ki te whakatatū i tō aunui kia pai te haere:
- Monokia mai tō pouwhanga
- Tūhonoa ō pūrere
- Takiuru ki tō paemana, ka whakakī i tō mahere
Ka tino tere te mahi whakatatū! Hei tō whiwhinga i te pouwhanga Skinny, monokia mai, ka whakakā me te whai i ngā tohutohu i roto i tana pouaka. Hei te 5 meneti pea ka pai tana mahi.
- Huakina he pūtirotiro tukutuku.
- Pāwhiria te pae wāhitau, ka pato i te 'http://192.168.1.254', ka pāwhiri ai i tāuru (enter).
- Tāurua te ingoa kaiwhakamahi me te kupuhipa kia takiuru ki te whārangi whakahaere tukutuku:
- Ingoa kaiwhakamahi: admin
- Kupuhipa: admin
- Hei te putanga mai o te whārangi whakahaere, tīpako 'Ngā Tatuhinga', kātahi ko 'WLAN'.
- Tīpakonangā tautuhinga WLAN Taketake Hurihia te kī tiri-tōmua WPA ki tētahi kupuhipa ka taea e koe te maumahara.
- Rokia tō kupuhipa ki tētahi wāhi haumaru, ka pēhi ai i te pātene Hoatu
- Kua hurihia te kupuhipa ināianei. Me tūhono anō ngā kaiwhakamahi katoa o mua mā te kupuhipa hou.
Ko te tūtohu nei, me tūhono i te pouwhanga ki tō rorohiko mā te taura itarangi kōwhai i a koe e huri ana i tō kupuhipa WiFi.
Ka āhei te tiro i te nui o te raraunga kua whakamahi koe me te rahi e toe ana mā te takiuru ki tō paemana, mā te toro atu rānei i tō taupānga Skinny Jump. Ka whakahou mataoratia, nā reira tāmatatia te whārangi kia tīkina ake te mōhiohio hou rawa.
Me whakahou i tō mahere ina pau i a koe ō raraunga. Ka taea tae atu ki te 6 ngā whakahounga o te mahere Skinny Jump ia marama Ko te tikanga nei, ka taea te hoko mai i te mōrahi o te 210GB o te raraunga ahokore 4G ia marama.
Kei tō paemana Skinny, tō taupānga Skinny rānei he kupu maumahara e kī ana ka taea ngā whakahoutanga e 6 o tō mahere ia marama. Ki te whakamātau i te whakahoutanga tuawhitu o tō mahere Skinny Jump, ka puta mai he karere hapa e kī ana kāore tēnā i oti.
E kitea ai te maha o ō whakahoutanga mahere i tētahi marama, tirohia tō hītori hoko mai mā te paemana Skinny. Haere ki te Hītori Pūkete > Hītori Whakamahinga > Ētahi Atu, ka toro rānei i tō taupānga Skinny Jump.
Ka tere pau te raraunga i ētahi ratonga whakangahau pēnei i te kēmutanga tuihono me te mātakitaki ataata. Kāore a Skinny Jump i hangaia mō aua momo ratonga.
Hei āwhina i ngā tāngata katoa o Aotearoa kia whiwhi aunui i te kāinga mō te utu ngāwari atu, kua hoahoatia te mahere, kua whakatatūria he pūnaha whakakī hei whakarite kia taea e te katoa te whiwhi aunui.
Mēnā neke atu i te 210GB i te marama tō hiahia, arā ētahi atu kōwhiringa aunui e wātea ana, engari he nui atu te utu mō ērā. Nā te mea he ratonga utu tōmua a Skinny, he māmā noa iho te panoni, me te kore o ngā utu huna.
Mēnā e whakamahi ana koe i Skinny Jump, engari ka hiahia pea koe i tētahi mahere rerekē, mēnā rānei he pātai āu mō te mahere, waea mai i 0800 475 4669 (0800 4SKINNY).
Mā Skinny Jump ka āhei te hoko mai i te 35GB o te raraunga mō te $5, me te mōrahi o te 210GB ($30) i ia marama.
Anei te ara whiriwhiri mēnā ka nui te 35GB mō tō kāinga, kāore rānei Ka whakamahi pea tēnā me tēnā o ēnei kei raro i te 35GB:
- te 90 haora o te pūtirotiro tukutuku me ngā mahi īmēra; tērā rānei,
- te 6,000 waiata; tērā rānei,
- te 1,200 haora o ngā waea ororongo; tērā rānei,
- te 60 haora o ngā waea kiriata/whakaaturanga pouaka whakaata taumira ahuwhānui; tērā rānei,
- te 10 haora o ngā kiriata/whakaaturanga pouaka whakaata taumira teitei.
E oti ai te katoa o ngā mea o runga ake nei, me whakapau koe i te 210GB i te iti rawa, ā, ko tērā te mōrahi ka taea te hoko mai i ia marama.
Ko te 30 rā te roa e mana ana te raraunga Skinny Jump ā muri i te whakahoutanga o tō mahere $5. Hei te otinga o te 30 rā ka mōnehu te raraunga. E kore e whiti atu ki tua i te 30 rā.
Ka tīmata mai te wā 30 rā ā muri i te tāurunga o tō nama tīkiti ki tō whārangi whakakī Skinny, hei tō whakahounga anō hoki i tō mahere. Ka āhei te kite e hia ngā rā e toe ana ki a koe mā te takiuru tuihono i tō pūkete Skinny, te haere rānei ki tō Taupānga Skinny Jump.
Ahakoa kua pau katoa tō raraunga ka taea te uru ki tēnei paetukutuku i ngā wā katoa. Ko te take e pērā ana, kāore te tūhononga ki te paetukutuku Skinny e whai wāhi ki tō whakamahi raraunga. Nā reira, ka taea te whakakī, te whakahou rānei i tō mahere i ngā wā katoa.
Ka āhei hoki te haere ki tētahi toa, hokomaha, teihana penehīni rānei, ka tono i tētahi tīkiti Skinny.
Ka whiwhi koe i te tāpiritanga raraunga 15GBP koreutu i ia marama. Ka aunoa tā mātou uta i te 15GB o te raraunga koreutu ki tō pūkete i te rā tuatahi o ia marama. Kāore te raraunga Skinny Jump e whiti ki te marama whai ake. Ko tōna tikanga, ki te kore e pau i a koe tō raraunga koreutu 15GB katoa ā te mutunga o te marama, ka mōnehu.
Ka whiwhi koe i te tāpiritanga raraunga 15GB koreutu i ia marama. Ka aunoa tā mātou uta i te 15GB o te raraunga koreutu ki tō pūkete i te rā tuatahi o ia marama. Kāore te raraunga Skinny Jump e whiti ki te marama whai ake. Ko tōna tikanga, ki te kore e pau i a koe tō raraunga koreutu 15GB katoa ā te mutunga o te marama, ka mōnehu.
Ko ngā mahere raraunga e hono mai ana koe he 35GB mō te $5. Ka taea tae atu ki te 6 ngā whakahoutanga o tō mahere ia marama. Ko te 30 rā te roa e mana ana te raraunga Skinny Jump ā muri i te whakahoutanga o tō mahere $5. Hei te otinga o te 30 rā ka mōnehu te raraunga. E kore e whiti atu ki tua i te 30 rā.
Ka āhei te kite e hia ngā rā e toe ana ki a koe mā te taupānga Skinny Jump, mā te takiuru tuihono rānei ki tō paemana.
Ka tuku te Paemana Skinny tuihono me te taupānga Skinny Jump i a koe kia kite me te whakahaere i tō pūkete Skinny Jump, engari kāore ēnei e whakamahi ana i ngā taipitopito takiuru ōrite. Nā reira, hei te huakanga tuatahinga o te taupānga Skinny Jump, me pato i te Waitohu ake, kaua ko te Takiuru. Kātahi ka whai i ngā tohutohu kei runga i te mata ki te waitohu atu ki te taupānga.
Ka taea te whakamahi te wāhitau īmēra ōrite i te taupānga ki tērā ka whakamahia mō te Paemana Skinny. Engari, nā te mea kāore i te honoa tētahi ki tētahi, ki te huri koe i te kupuhipa i tētahi, kāore e whakahoutia te kupuhipa i tērā atu.
Ina oti te waitohu ki te taupānga, ka noho takiuru koe. Mēnā ka takiputa ā muri atu ka taea te pato te Takiuru ki te takiuru anō.
Ka kitea ēnei i te whakapiri i muri, i raro rānei i tō pouwhanga.
Tīpakona a Takiuru, kātahi ko te Kua wareware tō kupuhipa? ka tāuru ai i tō wāhitau īmēra kia whiwhi ai i tētahi hono Kupuhipa Wareware. Ka tukuna tērā ki tō wāhitau īmēra. Me āta pānui ka tika i ngā tohutohu i roto i te īmēra. Me āta huaki i tō īmēra mā te waea ōrite i utaina ai tō taupānga.
Tīpakona a Takiuru, kātahi ko te Kua wareware tō kupuhipa? ka tāuru ai i tō wāhitau īmēra kia whiwhi ai i tētahi hono Kupuhipa Wareware. Ka tukuna tērā ki tō wāhitau īmēra. Me āta pānui ka tika i ngā tohutohu i roto i te īmēra. Me āta huaki i tō īmēra mā te waea ōrite i utaina ai tō taupānga.
Ki te kore e taea te huaki te īmēra i runga i te pūrere kei reira tō taupānga Skinny Jump, kua kore e taea te tautuhi anō i tō kupuhipa i taua wā tonu. Ko te tūmanako nei, ka panonitia tērā hei ngā marama e tū mai nei.
Anei ētahi mahi hei whakamātauranga pea māhau:
- Tonoa ngā hoa, te whānau rānei kia āwhina i a koe ki te whiwhi i tō īmērā i tō waea.
- Waea mai ki tō mātou rōpū Skinny Care, mā rātou koe e āwhina ki te whakatatū kē i tō Paemana Tuihono. Me waea ki 0800 475 4669 (0800 4 SKINNY) ki te kōrero ki tō mātou rōpū Care.
Tīpakona a Tiki raraunga anō i te whārangi kāinga (te ata kāinga kei te kara o raro). Ki te kore e rawaka tō moni taurewa, me whakakī mā te tīpako i Whakakī. Whāia ngā tohuāki ki te whakakī mā te tīkiti, te kāri rānei. Ka tīpako ai i Hoko raraunga Jump, ka kōwhiri i te mahere raraunga Jump 35GB. Tīpakona a Hoko ki te whakaū.
Ka kitea tō whakamahinga rauranga i te mata kāinga i roto i te porohita kei reira te kōrero mō te raraunga Jump e toe ana. E kitea ai he mōhiohio hōhonu ake, patohia te porohita me te kite i te nui o ngā raraunga kua whakamahia, me te rā ka mōnehu.
Patohia te ata tangata kei te kara o raro. Ko te tikanga ka kitea tō ingoa me te tau aunui. Patohia tō ingoa Ka pato ai ki te āpure e hiahia ai koe ki te whakatika.
Patohia te ata kāinga kei te kara o raro, ka tīpako i Tiki raraunga anō. Kei reira ka kitea ngā mahere i hoko mai koe i tēnei marama. Ka whakaatu e hia i roto i te ono kua hokona e koe.
Āe. Mēnā kua whai pūrere Apple koe, ka hiahiatia te iOS putanga 14, teitei ake rānei, kia taea ai te whakamahi i te taupānga Skinny Jump.
- Patohia te ata tangata kei te kara o raro. Ko te tikanga ka kitea tō ingoa me te tau aunui.
- Patohia tō ingoa.
- I raro i te whakaupoko Haumarutanga > Kupuhipa tīpako Huri.
- Tāurua to kupuhipa o nāianei, ka tīpako i Panuku.
- Ka tāuru ai i tō kupuhipa hou, ka tīpako i Huri kupuhipa.
Patohia te ata tangata kei te kara o raro, ka tīpako i Hītori whakakī. Ka kitea i konei te katoa o ngā mōhiohio whakakī.
