Faafitiga: Atonu e lē o faaliliuina i lenei gagana links i isi itulau o upega tafailagi.

Tuutuuga ma Aiaiga a le Skinny Jump

Amata faaaogā mai le aso 25 Mati 2020

O tuutuuga ma aiaiga masani a le Skinny lea e faaaogā i broadband e lē ta’iina i se uaea (wireless broadband), e faaaogā foi i vaega nei o loo ta’ua i lalo.

  • O le Skinny Jump (Jump) ua fuafuaina mo aiga e lē o iai sa latou broadband i le taimi nei, ma o le faafitauli  autū lava o le lē gafatia o le totogi, ma ua telē se aafiaga ogaoga o le lē maua ai lea o ni fesootaiga faainitaneti (e pei ona faailoa mai i le ata faataatia o fuafuaga a le Malo o loo aofia i fesootaiga i luga o le initaneti). Matou te talitonu o loo galulue faatasi pisinisi o loo matou faipaaga ma aiga i mataupu taitasi ina ia saili pe latou te agavaa mo le Skinny Jump ma faamautinoa ai pe fetaui le Jump mo latou. O le agavaa e maua le Jump o  a le Skinny (poo kamupani o loo matou faipaaga).
  • E iai i le Skinny le aiātatau e toe faamuta ai lou agavaa mo se Skinny Jump pe afai e matou te talitonu, i se tulaga talafeagai, e lē o ogatusa lou faaaogāina o le auaunaga ma le faamoemoe na faatulaga ai le Jump. O le a matou tuuina atu ia te oe se faaaliga mo le masina pe afai o le a matou faamutaina lou agavaa mo le Jump.

Modem

  • O le a avatu ia te oe se Modem e te fesoota’i ai i le Skinny Jump. O le a faatumauina pea le Modem o se meatotino a le Skinny ma e tatau ona e toe faafoi mai (faatasi ai ma ona totoga uma ma faamatalaga na tuuina atu) pe a oo ina e lē toe faaaogāina le Skinny Jump. Pe a faamuta, o le a matou faailoa atu le auala e toe faafoi mai ai le Modem.
  • E lē mafai ona e faatau atu, ave i se isi tagata e faaaogā mo se taimi, lafoa’i, nonō atu, poo lou taumafai e avea ma au meatotino, poo le fai o nisi auala e sui ai foliga o le Modem.
  • O loo iai i le Modem se SIM card. E ono lē mafai ona e faaaogāina lenei SIM card i se isi lava masini e ese mai. O le SIM card o se meatotino a le Skinny ma e tatau ona toe faafoi mai faatasi ma le Modem.

Broadband Data

  • O le $5 Jump plan o se Skinny Prepaid Service (Auaunaga Totogi Muamua) e te agavaa ai i le 30GB o data mo le broadband. O le Spark Jump o se Prepaid Plan e 30 aso le umi.
  • Afai o loo lava lau credit i lau Skinny Account, o le a otomeki lava ona toe faafou lau Jump plan i le ta’i 30 aso (se’i vaganā ua e manao e taofi muamua). Soo se data e le’i faaaogāina e muta le aogā pe a uma le 30 aso ma e lē mafai ona faaauau pea.
  • E mae’a loa ona e faaaogā uma data i lau Jump plan, o le a taofi atoa loa lau data. A toe fia amata, e tatau ona e faatauina se isi Jump plan. Na ona e saini lava i totonu o lau Skinny dashboard e faatau ai. Mātau mai, e mafai ona oo atu lava le maualuga i le 5 Jump plans e mafai ona e faatauina i masina taitasi faalekalena. Talu ai e lē o maua ni Add-Ons (mea faaopoopo) i le fesootaiga ma le Skinny Jump, afai la ua e faatauina Jump plans e 5 i se masina faalekalena, o le a lē mafai ona e toe faatauina nisi data faaopoopo mo lena masina.
  • E lē mafai ona fai sau auto payment o le Set and Forget mo le Skinny Jump.
  • Matou te fautuaina malosi lou faaaogā o le mita lea e faitau ai le faaaogāina o le data o le broadband ina ia mata’itū lelei ai lou faaaogāina o le data o le broadband. E mafai ona e maua lea mita pe a e login i lau Skinny account i le skinny.co.nz.