Login

Search

Safety Setup guide Topping up Where to buy FAQ Video

Faafitiga: Atonu e lē o faaliliuina i lenei gagana links i isi itulau o upega tafailagi.

Taiala e amata faatulaga ai.

Afai e lei ola lau modem, ua mafai nei loa ona faaola.

Faaola lau modem

E te lē o mautinoa pe faapefea ona amata? O lea ua faatulaga atu se video.

Pe a tatala le video o le a e alu ese ai mai le Skinny site. E ono e totogia tau masani mo le data.

E te fia faaaogāina le Skinny Jump app? E iai foi le video o loo faaali mai ai.  

Pe a tatala le video o le a e alu ese ai mai le Skinny site. E ono e totogia tau masani mo le data.

Afai ua ola lau modem, e iai laasaga faigofie e te faia e faaola ai i lou fale.

Faapefea ona faaola lau modem i au masini.

Laasaga 1

Palaka lau modem i se palaka o le paoa (soketi o le palaka) e faaaogā ai le uaea uliuli mo le paoa (le uaea lea e pipii ai le power adaptor).

Laasaga 2

Oomi le faailo Settings i lau masini (smartphone, tablet poo le laptop). E foliga o se uili e iai ona pito maama’ai.

Laasaga 3

Faasolo i le lisi o faatulaga mai (settings) seia e maua le Wi-Fi. Toso le contro i le itu taumatau ina ia faamautinoa o loo faatulaga i luga o le ON.

Laasaga 4

Tatala le lisi o networks o latalata ane, ona filifili lea o le network o le Skinny. O le a ta’ua o le Smart Modem-X-XXXX.

Laasaga 5

Ta i totonu le password (upu faalilolilo e tatala ai) (WIFI KEY) e ala i le oomi o le vaega e iai le password i luga o le screen. Ona ta lea i totonu o le WIFI KEY o loo maua i le base o lau modem.

Laasaga 6

Afai e sa’o ona e taina i totonu, o le a e vaaia ai le upu “connected.” E mafai foi ona e faaaogā le ethernet cable lanu samasama e sulu ai i se komepiuta desktop.

Ua mafai nei ona e amata e faaaogā!

E te manao e lolomi mai se kopi o faatonuga mo le amataina?

O loo iai le matou PDF e mafai ona e download ma lolomi se kopi. O loo iai laasaga, o ata ma fesili e masani ona fesiligia (FAQs).

Download le taiala e amata faatulaga ai

Toe fafaga atili lau account ma toe faafou le plan o lau Skinny Jump.

E mafai ona e faatau mai vouchers a Skinny mai le tele o tamai faleoloa, supamaketi ma pamu penisini i vaega eseese o le atunuu. Afai e te faaaogāina se telefoni e muai totogi, o le a e maitauina ai o le faagasologa lava e tasi e te faaaogā ai.

  1. Log in
  2. O le a avatu ai oe i lau Dashboard ona e kiliki lea o le faailo Top-Up. Faatulaga pea le vaega lanu moli (orange slider) i le One off Top-Up.
  3. E tatau ona aliali a’e loa i luga le numera o lau Skinny Broadband. Afai e te lē o iloa atu, tago e tā i totonu le numera i le pusa lanu ‘efu’efu. O le numera lena e tusi atu i luga o le sticker o loo i lalo o lau modem.
  4. Filifili le faailoga e ta’ua o le With a Voucher.
  5. Tā i totonu digit e 12 o le numera o le voucher ma kiliki le Proceed.
  6. A uma loa ona toe fafaga lau account, filifili le plan $5, ona filifili lea o le Renew.
  7. O lea ua iai nei le 35GB i lau modem ma ua mafai loa ona faaaogā.

E tusa pe ua faaaogā uma au data, e mafai pea ona e fesoota’i atu i le upega tafailagi lenei e toe faafou ai lau plan. E mafai ona oo lava i luga i le faa ono ona faafou lau plan i le masina. O data e lei faaaogāina e muta le aogā pe a uma aso e 30.

Tatala loa lau account

Nofoaga e faatau ai voucher e fai ai le top up.

E mafai ona e faatauina top-up vouchers (pepa tului paleni) a le Skinny Jump mai le tele o tamai faleoloa, supamaketi ma pamu penisini i soo se vaega o Niu Sila. E mafai foi ona e alu i le Skinny Jump app e fai ai le top up poo le dashboard i luga o le initaneti e faaaogā ai lau credit poo le debit card.

Filifili le vaega lea "O fea e faatau ai" o loo i lalo e su’e ai se faleoloa o latalata ane ia te oe.

E iai nisi fesili e uiga i le Skinny Jump?

O le tau o le broadband a le Skinny Jump e $5 mo le 35GB o data, ma e oo atu i le 6 plan toe faafou i le masina. E maua fua atu ma lau modem, ae tatau ona toe faafoi mai pe afai o le a e lē toe faaaogāina le Skinny Jump ina ia matou avatu i le isi aiga.

E leai ni standard rates poo ni overages mo le Skinny Jump.

O le talitonuga o matou iinei i le Skinny, e tatau i tagata Niu Sila uma ona maua avanoa tutusa e faaaogā ai fesoota’iga tau initaneti ua iai nei lo tatou lalolagi.

Leai, e lē o ofoina e le auaunaga a le Skinny Jump ni telefoni fale. Afai o loo e moomia foi sau laina telefoni e ta’i atu i lou maota, matou te fautuaina e sili lou saili atu i isi kamupani telefoni poo ā ni auaunaga o latou faatinoina.

E manaomia ona toe fafaga se credit i lau account ona toe faafou ai lea o lau plan o le Skinny Jump pe a uma au data pe ua uma le umi e aogā ai (O data a le Jump e uma le aogā pe a mavae aso e 30).

Toe fafaga: E lua auala e toe fafaga ai:

  1. Faatau se voucher a le Skinny mai se tamai faleoloa, pamu penisini poo se supamaketi.
  2. Faaaogā se debit/credit card i luga o le initaneti. Tatala lau Skinny dashboard, alu i le tab o le ‘Combos’, su’e le ‘Skinny Jump 35GB’ ma kiliki le ‘top-up’.

Toe faafou: E oo atu i le ono taimi e mafai ai ona e toe faafou lau plan o le Jump i le masina. Lona uiga e mafai ona oo atu I le 210GB le tele o au data e mafai ona faatau i masina taitasi.

E faato’ā mafai ona e lesitala mo se Skinny Jump e tauala i se paaga a le kamupani. O le a fesoasoani atu a matou paaga o loo iai i le tou vaipanoa e lesitala oe ma amata loa.

Afai ua uma ona iai sau account a le Skinny ma o loo e lesitala mai i sau komepiuta desktop, e moomia ona fai se isi au account mo le Jump e faaaogā ai se isi tuatusi imeli. Lesitala i le skinny.co.nz/jump-register

Afai e te lē o toe moomia le Skinny Jump i lou maota, matou te tāpā e toe faafoi ane o lau modem i se paaga a le Jump i le tou vaipanoa, ina ia ave e faaaogā e se isi aiga. Mo nisi faamatalaga faafesoota’i mai matou

Ioe, matou te fautuaina lava le iai o se puipuiga mai vairus. Mo nisi fautuaga atili i le auala e puipuia ai le saogalemu o lou aiga i luga o le initaneti, tagai i le netsafe.org.nz

E talitonu i matou iinei i le Skinny, e tatau ona maua e tagata Niu Sila uma avanoa tutusa e maua ma faaaogā ai mea i luga o le initaneti.

O le Skinny Jump e lelei mo aiga e lē o iai sa latou broadband mo fesoota’iga i le initaneti le taimi lenei ona o le taugata. Ua matou taumafai e aveese uma le tele o nisi vaega tau tupe o loo fai ma to’a. O le pogai lena e matuā telē ai le fesoasoani tau tupe mai le malo mo le Jump, ma e matou te lē faia foi se siaki o ni au aitalafu pe a e aumai mai ia matou. E faaaogā foi e le Skinny Jump le faiga lea e fetuutuuna’i le prepaid top-up ma le toe faafou.

E matou te fiafia e fesoasoani i aiga e iai:

  • tamaiti
  • tagata o loo su’e galuega
  • tuaa sinasina
  • tagata sulufa’i ma ē autovaa mai
  • tagata o loo nonofo i fale a le malo

O le isi agavaa e tatau ona iai lou aiga i le vaipanoa o loo kava e le Skinny Jump.

O le a tuu atu lava i le faautautaga a le Skinny pe faamata e fetaui oe i agavaa e pei ona ta’ua i luga. Ae o le a matou taumafai i le mea sili ona lelei ina ia fetaui le iloiloina o soo se talosaga e tuuina mai.

O a matou paaga lava i le komiuniti e pei o faletusi ma nofoaga tutotonu a le aai o i latou na e siakiina le agavaa. E matou te faalogo lava i se tala mai a matou paaga i le komiuniti, peitai o le Skinny ua iai le aiā e faia ai le filifiliga faai’u.

Leai, e le’i fuafuaina le Skinny Jump mo le faaaogā i pisinisi.

E tatau ona matou tilotilo i le telē o le network i lou vaipanoa ina ia faamautinoa e maua uma e tagata o loo faaaogāina le auaunaga a le Skinny le auaunaga sili ona lelei. E faamālūlū atu e lē mafai ona e maua i le taimi lava lenei lau Skinny Jump, ae a o matou faalautele atu la matou network, o le a faapena foi ona matou toe fetuuna’i ai vaipanoa e mafai ona agavaa mo le matou auaunaga. Afai la e lē o aofia ai lou vaipanoa i lenei taimi, ia tulimata’i le isi toe fetuuna’iga pe a fai.

E na ou tusi lava ua lesitala ai e mafai ona e faaaogā ai lau moderm o le Skinny Jump. Lona uiga la afai ua e see atu e nofo i se isi fale, e tatau ona e vili mai matou i le 0800 475 4669 (4SKINNY). O le a matou siaki ma faamautinoa atu pe faamata e mafai pea ona e faaaogāina lau Skinny Jump i lou fale fou.

Afai matou te mauaina o loo e faaaogāina lau modem o le Skinny i se isi nofoaga e ese mai le tuatusi na e lesitala ai, o le a taofi loa le toe faaaogāina o lau broadband. Talu ai e moomia ona mafai ona matou vaavaaia le network ina ia faamautinoa o loo maua e tagata uma o loo faaaogāina le network se auaunaga e maufaatuatuaina ma sologa lelei i taimi uma.

O le matou address checker mo le Skinny Jump e faavae i faamatalaga tau tuatusi o loo matou maua mai le NZ Post, lea e matou te toe siakia i la matou faafanua o nofoaga o loo agavaa. Lona uiga e matuā sa’o lelei.

E iai nisi taimi e lē faailoa faalauaitele ai e le NZ Post nisi tuatusi ona o nisi o mafuaaga. Mo se faataitaiga, e leai se pusameli, e lē mafai ona tuuina ni meli i le tuatusi, o se fale fou pe o se ituaiga ou fale o lea e lei iai, ma isi lava mea faapena. Atonu o le mea lena o loo tupu ia te oe. Afai e aliali ane tuatusi o lou tuaoi e faapea o loo agavaa a lē o aliali ane oe, ia e vili mai matou ona matou siakia lea moo e. Vili mai i le 0800 475 4669 (0800 4SKINNY).

E faafou lava faamaumauga o le matou address checker masina taitasi i soo se suiga e fai mai e le NZ Post ma soo se faafouga i le network a le Spark 4G.

Afai e leai sa vaega o latou faipaaga i lou vaipanoa, faamolemole ia faafesootai ane le Digital Inclusion Alliance Aotearoa (DIAA) ma faailoa i ai se faalapotopotoga e ono fiafia e faipaaga ma i matou.

E tatau ona mafai e vaega e matou te faipaaga ona iai a latou komepiuta ma le internet e galulue ai. O loo matou sailia foi tagata e iai uiga faaleuo ma e mafai ona latou fesoasoani i tagata fou faato’ā faaaogāina tekonolosi.

O le broadband lea e saunia atu e le Skinny Jump o loo faaaogāina le Spark 4G network. E mafai la ona e faatalitalia o se koneti broadband e matuā malosi le fesootaiga e tai tutusa atu i se 4G connection. Lona uiga e tatau ona maualuga atu le saoasaoa o le koneti nai lo le broadband a le ADSL.

O le a faalagolago lava le lelei o lau koneti i le malosi o lau signal lea e iai mea e afaina ai e pei o fale simā, o vaega maugā ma vaega tofē. Lona uiga o le a eseese lava mo tagata taitoatasi.

E tele mea e mafai ona aafia ai le saoasaoa o lau koneti a o e faaaogāina le WiFi, e aofia ai:

  • o le ā le mamao ese o oe mai le modem
  • o le itu e faafaasaga i ai le modem
  • o puipui ma isi mea o loo punitia ai lau masini mai le modem
  • o le tele o isi masini e lē o alu i ni uaea o loo faaaogāina uma le modem e tasi

E pule lava oe i le tele o ni masini e mafai ona e koneti i lau modem. E aofia ai komepiuta, tablet, laptop ma smartphone.

Peitai e soo se masini lava o loo koneti, o le a faapena foi ona telegese ifo ai le saoasaoa o loo maua mo isi masini. O masini taitasi e faaopoopo atu, o le atili ai foi ona galue mamafa le modem ina ia kiliva atu le broadband i na masini taitasi.

E te moomia le modem mo le Skinny Jump Broadband ina ia faaaogā ai le Jump. O le modem lenei na faia faapitoa e koneti ai i le network a le Skinny Jump.

Afai ua leiloa pe ua gaoia lau modem, faafesoota’i vave mai matou i le 0800 475 4669 (0800 4SKINNY).

O le a matou moomia ni faamatalaga mai ia te oe:

  • le igoa ma le tuatusi o le imeli na lesitala i ai le modem
  • le numera o le broadband a le modem, pe afai o ia te oe

Ona matou polokaina lea o le modem ma aveese mai i lau account o le Skinny. Talosaga i le vaega i le tou vaipanoa o loo lesitala ai lau account mo sau modem fou. Afai o mafai e le Skinny ona aveese mai i lau account le modem lena ua leiloa/gaoia, ona mafai lea ona toe lesitala lau modem fou i le tuatusi o lau imeli o le Skinny lena o loo iai i le taimi nei.

Ina ua uma ona e asiasi atu i le vaega i le tou vaipanoa o loo lesitala ai lau account, e 3 laasaga faigofie e te faia i lou fale e faaola ai ma faaaogā loa lau broadband:

  1. Palaka lau modem
  2. Koneti au masini (devices)
  3. Log in i lau dashboard ma toe fafaga loa lau plan

E matuā vave lava le faatulagaina! A maua loa lau modem o le Skinny, palaka loa, ki e faaola ma mulimuli i faatonuga na e avatu i totonu o le pusa. Pe ā ma le 5 minute ua ola lau masini ma faaaogā loa.

  1. Tatala se web browser.
  2. Kiliki le vaega lea e tuu ai le tuatusi ma tā i totonu le 'http://192.168.1.254' ma oomi le enter.
  3. Tā i totonu le user name ma le password e te sign in ai i le itulau a le web management:
    • Username: admin 
    • Password: admin
  4. A aliali mai loa le itulau a le management, filifili le 'Settings', sosoo ai le 'WLAN'.
  5. Filifili le WLAN Basic settings. Sui le WPA pre-shared key i se password o le a faigofie ona e manatua.
  6. Faamau lau password i se nofoaga saogalemu, ona oomi lea o le Apply button.
  7. O lena la ua sui le password. E tatau ona toe koneti uma isi tagata na sa faaaogāina le WiFi e faaaogā ai le password fou.

Matou te fautuaina le koneti o lau modem i lau komepiuta e faaaogā ai lau uaea samasama o le ethernet a o sui le password o lau WiFi.

A e manao e siaki poo le ā le tele o au data ua uma ona faaaogā ae pe toe fia foi la e totoe, ia e login i lau dashboard pe te alu i lau app o le Skinny Jump. E faafou lava i le taimi o loo iai, lona uiga na ona toe faafelesi lava o le itulau ona faailoa mai lea o faamatalaga fou pito lata mai.

E tatau ona toe faafou lau plan pe afai ua uma au data. E mafai ona faafou faaono lau plan o le Skinny Jump i totonu o le masina. O lona uiga, e mafai ona e faatauina e oo atu i le 210GB o wireless 4G data i masina taitasi.

O le a iai i lau Skinny dashboard poo le App faamanatu e na o le faaono lava ona e faafouina lau plan i masina taitasi. Pe afai e te taumafai e faafou lau plan o le Skinny Jump mo le taimi lona fitu i le masina, o le a aliali atu se fe’au o se sese e faapea atu e lē o taulau lau taumafai.

Pe a fia iloa pe ua faafia ona e faafou lau plan i se masina, siaki lau purchase history e ala i le dashboard o lau Skinny. Alu i le Account History > Usage History > Other, poo lou alu sa’o i lau app o le Skinny Jump.

O nisi o auaunaga mo faafiafiaga e pei o taaloga i luga o le initaneti ma le matamata i video  e alu ai le tele o le data. Sa lei fausia le Skinny Jump mo na ituaiga o auaunaga.

Ina ia mafai e tagata Kiwi uma ona maua ni a latou broadband i o latou fale ma ia gafatia le tau, ua matou fausia ai le plan ma faatulaga le faiga e toe faafou ai ina ia faamautinoa e mafai e tagata taitoatasi ona faaaogā le broadband.

Afai e sili atu ma le 210GB e te moomia i masina taitasi, e iai isi ituaiga broadband o loo maua, ae fai si taugata. Talu ai o le Skinny e te muai totogi lau faaaogā, e faigofie ai lava ona toe suia ma o le a leai nisi tau o natia mai tua.

Afai o loo e faaaogā le Skinny Jump ae ua e manatu atonu e te manaomia se isi plan e ese mai pe o iai foi ni au fesili e uiga i le plan, valaau mai matou i le 0800 475 4669 (0800 4SKINNY).

Mo le Skinny Jump, e mafai ona e faatauina data e 35GB mo le $5, ma data e oo atu i le 210GB ($30) i le masina.

O le auala lenei e te fuafuaina ai pe o le a lava mo le tou fale le 35GB. O mea taitasi o loo lisi atu i lalo o le a faaaluina ai le tusa ma le 35GB mo le mea e tasi:

  • 90 itula e matamata solo ai le upega tafailagi ma lafo solo imeli; poo le
  • 6,000 pese; poo le
  • 1,200 itula pe a vili ma talanoa na o le leo e lagona; poo le
  • 60 itula pe a vili ma talanoa i le video poo le TV; poo le
  • 10 itula o tifaga/TV a le HD.

Ina ia fai uma mea o loo ta’ua i luga e ono faaaogā ai pe ā ma le 210GB, o le telē lena o le data e mafai ona e faatauina i totonu o le masina.

O data mo le Skinny Jump e 30 aso le umi e aogā ai, pe a toe faafou lau plan o le $5. Pe a mae’a le 30 aso, ona uma lea o le aogā o le data. E lē mafai ona faaauau atu i le isi 30 aso.

O le vaitaimi e 30 aso e amata pe a tuu i totonu le numera o le voucher i le itulau e fai ai le top-up o le Skinny ma toe faafou ai lau plan. E mafai ona e siaki pe toe fia aso o totoe i lau data pe a e login i lau account o le Skinny i luga o le initaneti poo le Skinny Jump app.

E tusa lava pe ua uma la’u data, e mafai lava ona e tatala atu i le site lenei. E mafua ona o le koneti i le upega tafailagi a le Skinny e lē faitauina i le telē o lau faaaogā o le data. Lona uiga la e mafai lava ona toe fafaga pe toe faafou lau plan i soo se taimi.

E mafai foi ona e alu i se dairy, supamaketi poo se pamu penisini ma fesili i ai mo se voucher a le Skinny.

O masina taitasi o le a iai se faaopoopoga e 15GB o au data e maua fua. O le a otomeki lava ona matou tuu atu le 15GB o data maua fua i lau account i le aso muamua o masina taitasi. O data a le Skinny Jump e lē faaauauina atu i le masina o sosoo ai. Lona uiga afai e oo atu i le i’uga o le masina ae le’i uma ona e faaaogāina au data maua fua e 15GB, o le a faalēaogāina loa.

O masina taitasi o le a e maua ai lau data 15GB maua fua e faaopoopo atu. O le a otomeki lava ona matou tuu atu le 15GB o data maua fua i lau account i le aso muamua o masina taitasi. O data a le Skinny Jump e lē faaauauina atu i le masina o sosoo ai. Lona uiga afai e oo atu i le i’uga o le masina ae le’i uma ona e faaaogāina au data maua fua e 15GB, o le a faalēaogāina loa.

O data plans e te faatauina e 35GB mo le $5. E mafai ona oo atu lava i le faaono ona e toe faafou lau plan i masina taitasi. O data mo le Skinny Jump e 30 aso le umi e aogā ai, pe a toe faafou lau plan o le $5. Pe a mae’a le 30 aso, ona uma lea o le aogā o le data. E lē mafai ona faaauau atu i le isi 30 aso.

E mafai ona e siaki pe toe fia aso o totoe i le app a le Skinny Jump poo le login i lau  dashboard i luga o le initaneti.

E mafai e le Skinny Dashboard i luga o le initaneti ma le app a le Skinny Jump ona faataga oe e te vaai ma pulea lava e oe lau account o le Skinny Jump, ae lē tutusa faamatalaga mo le log in o loo faaaogā ai. Lona uiga o le uluai taimi e te tatalaina ai le app a le Skinny Jump e mana’omia ona e pa’i i le Sign up nai lo o le Log in. Ona e mulimuli lea i faatonuga o loo aliali mai luga o le screen ina ia e lesitala ai i le app.

E mafai ona e faaaogā i le app le tuatusi lava e tasi lea o loo e faaaogā mo le Skinny Dashboard. Ae ona e lē o linked faatasi, lona uiga afai e te suia lau password i le isi, e lē mafai la e lena password ona faafou i le isi.

O le taimi lava e te Saini ai i le app, o le a tumau ai pea ona e logged in. Afai e te toe log out i se taimi mulimuli ane, e mafai ona e pa’i i le Log in e te toe foi i totonu.

E mafai ona maua mea na i le sticker o loo i le pito i tua pe o loo i le pito i lalo o lau modem.

Filifili le Log in, sosoo ai le Forgot password? ona tuu lea i totonu le tuatusi o lau imeli ina ia maua le link mo le Forgotten Password. O le a lafo atu lena link i lau imeli. E tāua ona e faitau i faatonuga o loo avatu i le imeli. Faamolemole ia tatala lau imeli i le telefoni lena o loo tuu i ai lau app.

Filifili le Log in, sosoo ai le Forgot password? ona tuu lea i totonu le tuatusi o lau imeli ina ia maua le link mo le Forgotten Password. O le a lafo atu lena link i lau imeli. E tāua ona e faitau i faatonuga o loo avatu i le imeli. Faamolemole ia tatala lau imeli i le telefoni lena o loo tuu i ai lau app.

Afai e lē mafai ona e tatalaina le imeli i le masini lava e tasi lena o loo iai lau app o le Skinny Jump, o le a lē mafai la ona e toe seti lau password i lena lava taimi. O loo matou faamoemoe e suia lenei mea i ni masina e lē o toe mamao.

O nisi o mea e mafai ona e taumafai e fai:

  • Fesili i au uo poo lou aiga pe mafai ona latou fesoasoani ane e tuu lau imeli i lau telefoni.
  • Vili i la matou vaega o le Skinny Care e mafai ona latou fesoasoani ane e faatulaga lau Online Dashboard. Vili le 0800 475 4669 (0800 4 SKINNY) e te talanoa atu i le vaega a le Care.

 

Filifili le Get more data o loo aliali mai i le itulau autu (le tama’i ata o le fale o loo i le banner i le pito i lalo). Afai e lē o lava lau credit e mana’omia ona toe fafaga e ala i le filifili o le Top up. Mulimuli i faatonuga e toe fafaga ai i le voucher poo le card. Ona filifili lea o le Buy Jump data ma filifili le plan mo le data 35GB a le Jump. Filifili le Buy e faamautinoa ai.

I le screen o lau telefoni, e mafai ona e vaai ai le faaaogāina o lau plan i le taimi nei i totonu o le li’o o loo faapea mai Jump data remaining. Mo nisi faamatalaga auiliili, pa’i i le li’o ma e vaai ai poo le ā le tele o le data ua e faaaogāina ae o afea foi e uma ai le aogā.

Pa’i i le tama’i ata o le tagata o loo i le banner i le pito i lalo. E tatau ona e iloa atu ai ai lou igoa ma le numera o le broadband. Pa’i i lou igoa. Ona pa’i lea i le vaega o loo e manao e toe faasa’osa’o.

Pa’i i le tama’i ata o le fale o loo i le banner i le pito i lalo ona filifili lea o le Get more data. O iinā o le a vaai ai i plans sa e faatauina i lenei masina. O le a ta’u atu ai ia te oe pe fia ni plans mai plans e ono na e faatauina.

Ioe. Afai e iai sau masini o le Apple o le a e moomia le iOS version 14 pe maualuga atu ina ia mafai ona e faaaogā le app a le Skinny Jump.

  1. Pa’i i le tama’i ata o le tagata o loo i le banner i le pito i lalo. E tatau ona e iloa atu ai lou igoa ma le numera o le broadband.
  2. Pa’i i lou igoa.
  3. I lalo o le ulutala Security > Password filifili le Change.
  4. Ta i totonu lau password o loo iai i le taimi lenei, ona filifili lea o le Next.
  5. Ona ta lea i totonu lau password fou ma filifili le Change password.

Pa’i i le tama’i ata o le tagata lena o loo i le banner i le pito i lalo ona filifili lea o le Top up history. O iinā o le a mafai ona e vaaia ai faamatalaga uma i taimi sa toe fafaga ai lau data.