Ngā Ture me ngā Here a Skinny Jump

E hāngai ana mai i te 25 o Māehe 2020

Ko ngā ture me ngā here arowhānui e hāngai ana ki te aunui ahokore, e hāngai ana anō hoki ki ēnei i raro nei.

• Ko Skinny Jump (Jump) mā ngā kāinga kāore ō rātou hononga aunui, ā, ko te utu te take e pēnei ai. Mā ērā hoki he nui rawa te tūponotanga ka aukatia i te ao matihiko (e ai ki te mahere whakaurunga matihiko a te kāwanatanga). E whakawhirinaki ana mātou ki ō matau hoa ā-hapori ki te mahi tahi me ngā whānau ki te tautohu i te māraurau o tēnā, o tēnā ki te whiwhi i Skinny Jump, ā, mēnā e pai ana a Jump mā rātou. Mā Skinny anō (ā mātou māngai rānei) e whakatau te māraurau ki te whiwhi Skinny.
• Kei a Skinny te motika ki te whakakore i tō māraurau ki Skinny Jump mēnā ka whakapono mātou, i runga i te whakaaro whaitake, kāore tō whakamahi i te ratonga e hāngai ana ki te pūtake pū o Jump. Ka tuku i te whakamōhiotanga kotahi marama ki a koe mēnā e anga atu mātou ki te whakakore i tō māraurau ki Jump.

Pouwhanga

• a whakaratoa koe ki tētahi Pouwhanga ki te tūhono ki Skinny Jump. Nā Skinny tonu te pouwhanga, ā, me whakahoki rawa mai (tae atu ki ōna wāhanga katoa me ngā mōhiohio i whakaratohia) ina wehe atu koe i Skinny Jump. Hei tō whakamutunga, mā mātou e tohu me pēhea te whakahoki mai i te Pouwhānga.
• Tē āhei te hoko atu, rihi atu, porowhiu, hoatu taurewa, te whakakē rānei i te Pouwhanga, ahakoa he aha te ara.
• He kāri SIM kei roto i te Pouwhanga. Tē whakaaetia te whakamahi i taua kāri SIM i pūrere kē. Nā Skinny tonu te kāri SIM, ā, me whakahoki rawa me te Pouwhanga.

Raraunga Aunui

• He Ratonga Utu Tōmua te mahere Jump $5 e āhei ai koe ki te 35KP o te raraunga aunui. He Mahere Utu Tōmua 30 rā a Skinny Jump.
• Engari rā mēnā kei a koe te moni rawaka i to Pūkete Skinny ka whakahou aunoa tō mahere Jump i ia 30 rā (engari rawa ka whakatau kē koe ki te whakakore). Ka mōnehu ngā raraunga kāore anō kia whakamahia hei te paunga o te 30 rā, ā, kāore e whiti atu ki te marama whai ake.
• Pau katoa i a koe ō raraunga i tō mahere Jump, kua kore rawa ō raraunga. Kia tīmata atu ai anō, me hoko mai i tētahi anō mahere Jump. Me takiuru noa ki tō paewhiri Skinny ki te hoko mai. Me mōhio ka taea te hoko mai i te ono mahere Jump i te nui rawa i ia marama. Nā te mea kāore e wātea ana he Tāpiri-Atu mō Skinny Jump, mēnā kua hokona mai e ono ngā mahere Jump i tētahi marama, tē taea te hoko raraunga tāpiri mō taua marama.
• Tē taea te whai utunga aunoa Tautuhi me te Wareware mō Skinny Jump.
• Ko tā mātou tino tūtohu, me whakamahi i te pūine whakamahinga raraunga aunui ki te aroturuki i tō whakamahi raraunga aunui. Ka taea te uru ki te pūine whakamahinga raraunga aunui ina takiuru ki tō pūkete Skinny i te skinny.co.nz.